現年74歲的李龍基，近日亮相HOY TV全新飲食競技節目《領廚爭霸戰》，擔任評審一角。自未婚妻王青霞（Chris Wong）出獄後，二人一直保持低調相處，然而外界卻不時傳出二人感情生變、婚期無望的消息。對此，他親自接受《香港01》訪問，澄清伴侶的近況與兩人真實的感情狀態。
其實，李龍基與王青霞經歷過長達一年半的「牆內牆外」分隔生活，上月才真正重聚。當日他手捧六十枝玫瑰迎接未婚妻，寓意「分分秒秒都愛你」，兩人久別重逢的一刻，他更忍不住落下熱淚。
談到未婚妻現況，他直言：「佢出嚟之後非常忙，比我更忙，因為要協助父親處理龐大的家族生意。我自己亦日程排得滿，自從從美加返來後未有停過。至於外界好奇佢是否會『養埋我』，我都笑住話等住佢養囉！不過，我曾答應過太太，不會公開談論太多關於她家庭的事，所以我盡量保持低調。」他強調，兩人現時生活愉快，感情亦穩定。
針對近日盛傳王青霞「失聯」的消息，他澄清道，事件源於他在加拿大登台時拍下一張四人合照，照片中未婚妻並未入鏡，結果有人以訛傳訛，編造出「太太失蹤」的故事。他憤然批評：「有人甚至講到話我買催情藥，咁樣亂寫太離譜！人要有良心，冇良心只會作無聊文章。」
雖然謠言不斷，但李龍基卻早已看開，甚至自嘲：「靠我呢啲新聞，有人十幾日就搵三十幾萬，多過我掙得仲多，咁睇嚟我都養活咗唔少人。」然而他亦堅定指出，這些虛構故事從未影響他與未婚妻的感情：「我哋愈來愈好，好似打風一樣，無論幾大風球都吹唔散！」
至於外界最關心的婚期問題，他則保持神秘：「呢方面我唔想講太多，講咗佢屋企人會知，所以低調為主。不過我可以肯定講一句，我哋生活得非常快樂，每晚都互相掛念。」
令人意外的是，年屆七旬的他，仍不排除「生B計劃」：「隨緣啦！若然有就係上天安排，我哋唔會特意避孕，我絕對係自然派！」目前，他已與未婚妻在珠海定居，並無退休打算，繼續在舞台與生活中活出精彩。
